ASPECT Research şirkəti 2009-cu ilin sonuna qədərki dövrü əhatə edən “Makro Maliyyə: qısa zaman proqnozları” adlı bülletenin Oktyabr buraxılışını abunəçilərə təqdim etdi.
Bülletendə Oktyabr, Noyabr və Dekabr ayları üçün aylıq proqnozlarla yanaşı 2009-cu il üçün yekun rəqəmlər də əks olunub. Bülleten aylıq yenilənən, 40-dan çox indikatordan ibarət statistik baza əsasında hazlırlanır.

Zaman sırası ekonometrikasına daxil olan ARİMA tipli modellər əsasında hazırlanan bülletendə:

• Real Artım İndeksi üzrə Proqnozlar;
• Ümumi Daxili Məhsul üzrə Proqnozlar;
• Səkkiz əsas sektor üzrə Məhsul və Xidmətlərin İstehsalı üzrə Proqnozlar;
• İnvestisiya Qoyuluşları, Əhali Gəlirləri və Qiymət İndeksləri üzrə Proqnozlar;
• Beş əsas Xarici Valyutanın Məzənnəsi üzrə Proqnozlar;
• Pul Kütləsinin Müxtəlif Göstəriciləri üzrə Proqnozlar;
• Depozit və Kreditlər üzrə Faiz Dərəcələri və Mütləq Həcm Proqnozları;

Ölkənin valyuta bazarında və bank sektorunda risk səviyyəsini qiymətləndirməyə imkan verən Maliyyə Stabilliyi İndeksləri;
Dünya Xammal və Əmtəə Bazarlarında Qiymət Tendensiyaları Proqnozları yer alıb.
Bülleten əsasən dövlət qurumları, özəl sektorun müxtəlif sahələrində fəaliyyət göstərən təşkilat və qurumlar, xüsusilə bank-maliyyə sektoru iştirakçıları, araşdırma mərkəzləri üçün nəzərdə tutulub.